CEBU, Philippines - Daghan pang gikinahanglang atimanon ug mahatag pa ang dakbayan sa Sugbu sumala pa ni mayoralty candidate John Henry “Sonny” Osmeña, ang ig-agaw ni Cebu City Mayor Tomas Osmeña.
Misaad ang 75-anyos nga kanhi senador nga kun palarong mahimong mayor sa siyudad, ang unang bisitahon ug atimanon niini sa unang 100 diyas sa paglingkod mao ang Cebu City Medical Center ug ang pagtukod og satellite hospitals sa barangay Pardo, San Nicolas, Guadalupe, Tejero, Mabolo, Talamban, Tisa, Luz, Pari-an ug Guba.
Dugang pa niini ang paghatag og balay, tubig, transportasyon ug recreation sa mga Sugbuanon.
“I run as mayor because there is so much to be done here,” sumala pa niini.
Si Sonny dihang Senador pa kini maoy mipasar sa bill kabahin sa cellular mobile telephone aron ang mga Pilipino mahatagan og kahigayonang makagamit sa maong bag-ong teknolohiya ug sa paggamit sa Short Message Service (SMS). – BANAT NEWS