Bagon ray gihikog

CEBU, Philippines - Usa ka mag-uuma migamit lang og bagon sa pagkutlo sa iyang kinabuhi pinaagi sa paghikog didto sa kalibonan duol sa ilang balay sa barangay Basak, lungsod sa Badian sa miaging hapon.

Ang naghikog mao si Joboy Silvano, 40, minyo, ug mag-uuma kinsa milakaw niadto pang miaging gabii matud sa iyang asawa nga si Herminigilda Silvano. Si Vicente Magallano, silingan sa biktima maoy mitaho sa ilang kapitan sa barangay Roque Celestial kalabot sa nakit-an niyang tawo nga nagbitay sa kahoy nga wala nay kinabuhi.

Ang kapolisan nga misusi sa maong paghikog padayon pang misuta kun unsay hinungdan sa pagpakamatay sa maong mag-uuma. – BANAT NEWS