Plantasyon sa kawayan ugdaw

CEBU, Philippines - Nunot sa padayong nasinati nga grabeng kainit sa panahon, naugdaw ang usa ka plantasyon sa kawayan sa barangay Cantabacco siyudad sa Toledo niadtong Lunes sa alas 12:30 sa udto.

Matud ni SFOI Julius Dagatan sa Toledo City Fire Department dihang nahinabi sa Banat News ang pamilyang Velez maoy nanag-iya sa nasunog nga plantasyon sa kawayanan.

Subay sa imbestigasyon mokantidad og P10 mil ngadto sa P20 mil nga kawayan ang naugdaw sa maong hitabo nga giingong nagsugod lamang sa usa ka grassfire, sunog bunga sa kainit ug mikatap sa maong plantasyon.

Hinuon nakontrolar kini sa mga kabomberuhan ug wala makaabot sa kabalayan, gipahimangnoan sa kabomberohan ang mga molupyo nga magmatngon karung panahona. -  BANAT NEWS