Kay gibiyaan sa iyang asawa

CEBU, Philippines - Patay nang naabtan sa kabanay ang usa ka lalaking gituohang naghikog sulod sa ilang panimalay pasado ala-una sa hapon sa miaging adlaw sa sitio Kenyangan Sta. Filomena lungsod sa Alegria.

Ang nagkutlo sa kinabuhi nailhan nga si Antonio Babor, 45, minyo ug molupyo sa maong lugar. Sa pakighinabi sa kapolisan sa mga kaliwat ni Babor mibutyag kini nga gibiyaan na si Babor sa iyang asawa ug nanarbaho nalang sa siyudad sa Toledo isip construction worker.

Niadtong Biyernes sa pag-uli niini namatikdan sa mga kabanay nga lahi na og linihukan si Babor apan wala lang nila kini panumbalinga, apan dihang tingpaniudto na ilaha kining giadto sa balay ug nahibulong nalang silang sirado ang bintana ug pultahan niini.

Sa dihang ilang gipugos og abli misugat sa ilang mga mata ang nagbitay na nga si Babor nga may pising gihigot sa iyang liog ug patay na. – BANAT NEWS