Polis nanghinlo sa dagat

CEBU, Philippines - Ang kapolisan sa dakbayan sa Lapulapu nanghinlo sa kadagatan ug kabaybayonan didto sa Isla sa Olango niadtong Sabado.

Matud pa ni SPO1 Rodito Viovicente sa Police Community Relations officer sa kapolisan sa maong dakbayan nga kauban nila sa maong kalihukan ang mga Field Training Police (FTP), Larcen communications personnel sa dakbayan sa Lapulapu, Red Cross ug mga divers gikan sa nagkadaiyang dive shops sa dakbayan sa Lapulapu.

Sa maong kalihukan daghang mgasagbot sa kadagatan ang nakuha uban sa mgaplastic ug mga lata.

Samtangang mga sakop sa kapolisan nga giila nga “Dive Cops” ug mga diving instructors sa mga dive shops mihimo usab sa susamang kalihokanisip mga“scubasurero” sa fish sanctuary sa maong dapit uban ni Lapulapu City Councilor Queenie Malingin Ahmann.

Atol sa usa ka mubo nga programa gipadayag ni Lapulapu City Police Office Director P/Supt. Mariano Natu-el Jr. nga ang usa ka polis dili lamang kutob sa pagprotiher sa katawhan ug sa mga kabtangan niini kundi lakip usab ang kinaiyahan. - Bong Soriano (BANAT NEWS)