SK election ipiyal sa Kongreso - PGMA

CEBU, Philippines - Si Presidente Gloria Macapagal Arroyo dili manginlabot sa awhag nga ioktaba sa sunod tuig ang piniliay sa barangay ug sa Sangguniang Kabataan (SK).

Ang maong pamahayag gihimo sa Presidente agi'g tubag sa mga pangutana kun uyon ba siya sa maong sugyot nga naggikan kang Representante Rodolfo Plaza sa Agusan kinsa mipat-ol sa El Niño phenomenon nga hinungdan nga dili angayang ipatuman ang gitakdang barangay ug SK election karong umaabot nga Oktobre.

Miingon ang Pamuno nasud nga ang pag-oktaba sa maong mga piniliay tukionon pa sa kongreso ug sa Commission on Elections.

Alang kang Plaza ang gastuhonong kuwarta alang sa barangay ug SK election mas maayong igasto lang una sa mga panginahanglanon sa mga mag-uuma ug mga molupyo nga apektado sa El Niño, matud pa niya. – BANAT NEWS