Ikatulong 'Star' ni Villanueva gihatag, CENTCOM mosuportag Gen. Bangit
CEBU, Philippines - Gi-promote ni Presidente Gloria Macapagal Arroyo ang kumander sa Central Command Commander nga si Lt. Gen. Ralph Villanueva diha sa Camp Lapulapu sa barangay Apas.
Si Villanueva na-promote gikan sa pagka Lt. General ngadto na sa Major General nga kadungan sa pagkatudlo kang AFP Chief of Staff Gen. Delfin Bangit kinsa maoy mihulip kang Gen. Victor Ibrado.
Si Villanueva sa iyang mensahe ngadto sa iyang mga sakop nagkanayon dili lang para kaniya ang maong kalampusan kundili para sa tanang mga sakop tungod kay sila maoy naghatag kaniya sa ikatulo niyang bituon (star).
Gipadayag ni Villanueva nga wala gyud masayop ang presidente pagpili kang Bangit nga maoy gihulip kang Ibrado kay usa gyud ka maayong lider.
“I don know of any officer na-demoralized kay dito sa Military ang change of command or turnover of command is always happening, next welcome anybody that take charge, and if you know our soldiers around, they know general Bangit as a very good chief of staff and competent over the years,” matud pang Villanueva.
Si Villanueva ug Bangit classmate sa Philippine Military Academy (PMA) class '78 kauban sila ni Chief Supt. Lani-O Nerez kinsa mao usab ang pangulo sa kapolisan dinhi sa rehiyon siyete.
Giklaro hinuon ni Villanueva nga sa pagtudlo ni Arroyo kang Bangit walay naligsang mga senior pa nila sa PMA. - Rey Pasaporte (BANAT NEWS)
- Latest
- Trending
