CEBU, Philippines - Gihangop sa mga magtutudlo sa mga tulunghaang publiko sa dakbayan sa Mandaue ang gisaad sa Malacañang nga umento sa ilang suweldo karong umaabot nga Hunyo inigbukas sa klase.
Kini gipalanog ni Presidente Gloria Macapagal Arroyo sa iyang pagpamulong atol sa gradwasyon sa 78 ka mga Global Filipino Teachers (GFT) didto sa Cebu International Convention Center (CICC) sa dakbayan sa Mandaue sa miaging Biyernes.
Misaad ang Pamuno Nasud nga makapaabot ang mga magtutudlo og 50 porsiyento nga usbaw sa suweldo nga madawat Atol sa gradwasyon sa mga gitawag nga GFT gipasalamatan sa Pamuno Nasud ang Globe Telecom sa gipatumang programa nga ikaayo sa mga magtutudlo ingon man sa ilang estudyante.
Matud pa ni Arroyo nga ang maong programa sa Globe Telecom dako kaayo og ikatampo alang sa pagpalambo sa edukasyon uban sa modernong teknolohiya sa computer.
Kini tungod kay naghatag kini og kasayon sa mga magtutudlo ug mga tinun-an sa paghimo sa ilang research para sa ilang mga leksyon.
Mitambong usab sa maong kalihukan sila si Gobernador Gwendolyn Garcia, 6th District Congresswoman Nerissa Soon-Ruiz ug Mandaue City Mayor Jonas Cortes. - BANAT NEWS