17 ka kolehiyo mopa-umento og tuition fees

CEBU, Philippines - Ang Commission on Higher Education mipahibawong 17 ka mga colleges ug universities ang moduso og aplikasyon aron mopaumento sa tuition fees alang sa sunod nga tuig.

Dinhi sa Sugbu, nag-una sa nangayo og usbaw sa matrikula sugod karon bulan sa Hulyo mao ang Asian College of Technology nga nangayo og 8 porsiyento, ang Benedicto College 13 porsiyento; ang Cebu Institute of Technology, Cebu Roosevelt Memorial Colleges, STI College sa Lahug, St. Louie de Marilag College sa dakbayan sa Bogo nga pulos nangayo og 10 porsiyentong tuition fee increase ug St. Theresa's College nga singko porsiyento. Lakip sa nangayo og usbaw sa matrikula mao ang University of San Carlos, University of San Jose Recoletos, University of Southern Philippines.

Samtang sa lalawigan sa Bohol, nakaduso usab og aplikasyon nga 10 porsiyentong tuition fee increase ang Blessed Trinity College sa Talibon, Bohol; 30 porsiyentong increase sa Bohol Wisdom School ; Trinidad Municipal College tulo ka porsiyento; Diaz College, Bohol Foundation University, St. Paul University sa Dumaguete og dugang 10 porsiyento.

Ang regional director sa CHED-7, Dr. Candelario Aytona nagkanayon nga hangtud Abril 1 lang ning tuiga sila modawat og mga aplikasyon sa tanang eskuylahan sa Central Visayas aron matun-an. - BANAT NEWS