CEBU, Philippines - Wala na makaabot sa tambalanan ang usa ka lalaki human kini giunay pagpusil sa iyang silingan pasado alas 12 sa kaadlawon kagahapon sa sitio Pungtod, barangay Mambaling.
Si Jemar Galido, 19, samdan sa bukobuko human gipusil sa usa ka Roel Pardillo, samtang nagkalingaw og inom uban sa laing silingan nga si Harold Joseph Hermando.
Sumala pa sa asoy ni Hermando ngadto sa kapolisan nga si Galido giatngan ni Pardillo sa dihang mibiya kini paingon sa balay sa ilang silingan nga gihinganlan og Daut, ug didto gipusil gamit ang wala mahibaw-ing kalibre sa armas. (BANATNEWS)