CEBU, Philippines - Usa ka suspetsadong negosyante og ginadiling drugas nasikop sa kapolisan didto sa dalan Rahmann, barangay Zapatera, ning dakbayan sa Sugbo kagahapon sa alas 7 sa buntag. Ang suspetsadong nasikop mao si Francis “Antit” Delos Santos, 41, nga taga dalan E. Alviola, sa sitio Villagonzalo II, barangay Tejero.
Ang biktima didto sa sulod sa usa ka pension house sa maong lugar dihang ang nabaligyaan niya usa diay ka polis nga sakop sa Investigative and Detective Management Branch (IDMB).
Sa maong buy-bust operation kauban usab ang Philippine Drug Enforcement Agency (PDEA)7.
Matud pa ni PO1 Michael Maucesa sa IDMB nga didto sa Room 17 niya bayri og P500 sa nahisgutang pension house ang suspetsado bugti sa duha ka paketing shabu.
Sa dihang gitunol na sa suspetsado ang shabu, si Maucesa nagpaila dayon nga usa siya ka polis ug dihadiha giposasan dayon niya ang suspetsado.
Una ipahigayon sa mga otoridad ang buy-bust operation, nakadawat sila og tip gikan sa mga molupyo sa maong lugar kalabot sa illegal nga negosyo ni Delos Santos.
Nasayran nga si Delos Santos popular na kaayo sa pagka-negosyante og shabu sa maong lugar. - BANAT NEWS