CEBU, Philippines - Ang konseho sa dakbayan sa Talisay mohangyo kang Gobernador Gwendolyn Garcia ug Department of Interior and Local Government nga dili nalang hulipan ang nabakanteng pwesto sa konseho sa siyudad.
Matud sa mga sakop sa konseho nga dihang sulod sa usa ka tuig mibiya sa pwesto si kanhi Bise Mayor Lani Abarquez ug kanhi first councilor ug karon mao nay Bise Mayor nga si Alan Bucao walay nasinating problema ang konseho.
Niadtong buwan sa Enero pormal nga miluwat sa katungdanan si Bise Mayor Lani Abarquez maong nanumpa na si Bucao. Ang konseho mipasar og resolusyon kabahin sa maong hangyo. - Brenda Batuto (BANAT NEWS)