Buotang opisyal sa LGU gantihan

CEBU, Philippines - Si kanhi Kalihim Gilbert “Gibo” Teodoro Jr. sa Panalipod ug kasamtangang kandidato sa pagka-presidente ubos sa Lakas-Kampi-CMD misugyot kagahapon nga angayang hatagan og ganti ang mga opisyal sa lokal nga kagamhanan kinsa nagtinarong sa pagtuman sa katungdanan.

Matud pa ni Gibo sa iyang pagpamulong sa usa ka forum didto sa Bulacan, dili kuwarta ang iganti kanila kundi mga panukdanan nga umolon sa nasudnong kagamhanan nga labing makapalig-on sa ilang pundasyon isip modelong opisyal sa gobyerno.

Pipila sa mga opisyal sa lokal nga kagamhanan nga milampos sa tahas kanila mao ang maayo modumala sa ilang basura ug kadtong naglikay sa pangurakot, matud pa ni Gibo.

Didto sa Bulacan misaka na ngadto sa 18,000 kauban sa 4,000 ka mga estudyante ang naningkamot karon nga modaog sa pagka-presidente sa nasud si Gibo sa umaabot nga election sa Mayo. - Wen Celen (BANAT NEWS)