Lito O ipapili ang maayong presidente
CEBU, Philippines - Si kanhi gobernador Emilio Lito Osmeña sa Sugbo kinsa mikandidato sa pagka-senador alang sa piniliay sa Mayo miawhag kagahapon sa mga Sugboanon pagpili sa usa ka kandidato sa pagka-presidente nga may values.
Kini tungod kay nagtuo si Osmeña nga ang usa ka presidente nga may values maningkamot gayud kini nga moasenso ang nasud.
Ang nakapait matud pa ni Osmeña kun makapili ang katawhan og presidente nga walay values, mosamot kadimalas ang Pilipinas.
Kini maoy iyang gipahayag kagahapon sa 888 News Forum kinsa nagkanayon nga dako kaayo og responsibilidad ang mga Sugboanon sa pagpili og maayong presidente sa nasud.
Gihisgotan niya sila si kandidato pagka-presidente Gilberto “Gibo” Teodoro ug si Senador Benigno Noynoy Aquino.
Matud pa ni Osmeña nga ang nakapait kang Gibo kay pirme lang nangiwit sa survey samtang si Noynoy kanunay usab nga nag-una. Ang mga Sugboanon dako kaayo og papel aron mapili ang maayo modumala sa nasud. - BANAT NEWS
- Latest
- Trending
