CEBU, Philippines - Giangkon ni Regional Director Susana Maderieta sa Department of Health (DOH) 7 nga makapakurat kaayo ang kakusog sa pagsaka sa Human Immune Virus, Acquired Immune Deficiency Syndrome (HIV/ AIDS) dinhi sa Central Visayas ilabina na sa Sugbo.
Matud ni Maderieta nga sa pagka karon may 102 na ka kaso sa AIDS dinhi sa rehiyon 7 apan giklaro niya nga anaa pay daghan nga wala lang magpahiling og doktor.
Gumikan niini giawhag ni Maderieta ang publiko ilabi na ang mga commercial sex workers ug Overseas Filipino Workers (OFW's) nga magpahiling sa doktor pagsuta kun wala ba sila’y AIDS. Sa miaging Decembre 2009 hangtod sa buwan sa Eenero ning tuiga may gikatahong namatay na gumikan sa maong sakit .
Sa pagkakaron gimonitor pag-ayo sa DOH ang mga OFW nga mamauli dinhi sa Sugbo aron makapahiling dayon sa doktor buwahan to kun may AIDS masanta dayon sila ug dili makapatakod og laing tawo. - BANAT NEWS