Suspeknegatibo sa parafin test

CEBU, Philippines - Negatibo sa parafin test ang tawong gitumbok nga mipusil patay sa lider sa kampo ni Lapulapu City Mayor Arturo "Boy" Radaza didto sa Isla sa Pangan-an, Isla sa Olango, dakbayan sa Lapulapu, sa miaging buwan.

Samtang may natumboknga giingong positibo nga nakapabuto sa ilang mga armas atol sa kamatayon sa biktima.

 Kini ang nasayran sa Banat News gikan ni SPO1 Honorato Inihaw sa Crime Against Persons desk sa kapolisan sa Lapulapu human makuha kagahapon ang resulta sa parafin test gikan sa PNP Crime laboratory.

 Matud pa ni SPO1 Inihaw nga nakugang siya sa paggawas sa maong resulta dihangnegatibo sa parafin test si Arnulfo Pogoy nga maoy gitumbok ni Tani Caballa (saksi) nga maoy mipusil patay ni Necasio Pogoy (lider ni Radaza).

Samtang sila ni Jerry Nanoy ang hepe saLupong Tagapamayapa ug Benigno Miguito, hepe sa mga brgy. tanod maoy positibo sa gun powder base sa resulta sa parafin test.

Gumikan niini mitumaw karon ang pagduda kung nagsulti ba sa tinuodsi Caballa bahin sa mipusil patay sa bayaw niyang si Pogoy.

Base sa pamahayag ni Caballa atol sa usa ka press conference sa milabay'ng Sabado, Enero 30, human sa maong hitabo, iyang gitumbok ngadto sa mga tigbalita ngasi Nanoy ug Minguito gyu'y namusilug gani matud niya nga si Nanoy mao gyu'ymikablit sa gatilyo sa armas nga gigamit sa pagluthang kang Pogoy.

Apan niadtong Lunes, Pebrero 1, nahibulong ang mga tigbalita nga lahi na ang iyang pamahayag kaysi Arnulfo Pogoy naman hinuon maoy ginganlan niyang mipusil sa biktima. (BANATNEWS)