2 PAF personnel nga na-crash niabot

CEBU, Philippines - Miabot na dinhi sa Sugbo ang duha ka patay’ng lawas sa mga sakop sa Philippine Air Force nga nakalas atol sa pagkahagsa sa Nomad plane sa sa dakbayan sa Cotabato City.

Alas 10:46 kagahapon sa buntag miabot ang patay’nglawas nila ni SSgt. Cristy Llamera ug SSgt. Jeffrey Guzon luwan sa C-130diha sa Mactan Benito Ebuen Air Base (MBEAB).

Sa nasayran sa Banat News si SSgt. Guzon lumad nga taga Sultan Kudarat ug naminyo og taga Iloilo apan sa barangay Guadalupe dakbayan sa Sugbu na kini nanimuyo.

Duna kini usa ka anak nga lalaki nga 8-anyos ang pangidaron, giingong gikaingong dad-on ngadto sa Sultan Kudarat ang patay’ng lawas niini apan hayaon una kini diha sa MBEAB Chapel samtang gipaabot nalang ang mga ginikanan.

Samtang si SSgt. Llamera usab nga maoy secretary ni Maj. Gen. Mario “Butch” Lacson ang 3rd Aid Division Commander sa Gen. Edwin Andrews Air Base sa Zamboanga nga lakip sa nakalas gisugat sa masulob-ong kabanay.

Ang tibuok pamilya ni Llamera gianugnan sa gidangatan niini gumikan kay daghan pa kaayo kini og plano sa kinabuhi ilabi na kay nagpaabot kini sa resulta sa iyang pagkuha og Bar Examination sa milabay’ng tuig ug karong bulan sa Marso pa ang resulta.

Si Llamera anaa gipahimutang sa Rolling Hills Funeral Homes samtang giplano pa sa pamilya kung kanus-a ug asa kini ilubong.

Si 560th ABW Commander Brig. Gen. Edgardo Mendoza sa iyang bahin dili makalimot sa mga maayong binuhatan sa mga nakalas gumikan sa ilang panagkauban sa maong unit. (Bong Soriano)   (BANATNEWS)