Estambay mikulata sa duha ka snatcher

CEBU, Philippines - Nasugamak sa mga bun-ogang duha ka mga esnatser kinsa gitabangan og kulata sa mga estambay nga maoy nakadakop kanila human nila labniha ang shoulder bag sa usa ka magtutudlo didto sa barangay Poblacion Oriental, lungsod sa Consolacion sa miaging hapon.

Ang mga suspetsado nailhan nga silasi Crisanto Cabatingan, 26 , ug Danilo Argiente, 23 , nga pulos taga barangay Pulpogan sa nahisgotang lungsod.

Samtang ang biktima mao siMrs. Lydia Peson, 49 , minyo nga taga Yati, usa ka magtutudlo sa maong lungsod.

Si PO1 Winston Magdadaro sa kapolisan sa Consolacion nga nahinabi sa Banat News miingon nga nagbarog ang biktima sa daplin sa karsada kay nagpaabotog traysikol paingon sa tulunghaan.

Unya giduol kini saduha ka suspetsadoug dayon gitionan sa kutsilyo ang iyang liog uban sapagdeklarar nga tulis ug dayong bunlot sa iyang shoulder bag nga gisudlan sa P2,000 nga salapi ug uban pang importanteng papeles.

Humanmakuha ang shoulder bag yano ra kaayong nanglakaw ang duha dihang mikulisiw ug misinggit ang biktima ug nangayo og panabang sa mga estambay sa maong lugar.

Busa dihadiha gigukod dayon sa mga estambay ang duhaka suspetsado ug dihang naapsan kini gitabanganog kulata hinungdan nga nabun-og pag-ayo ang duha.

Ang mga traffic enforcer sa Consolacion Traffic Command (Cotracom)sa maong dapitmaoy nakapakgang sa maong pangulata ug maoy midakop sa duha.

Ang maong mga suspetsadogibalhog dayon sa bilanggoan ug gihikay na ang kaso nga isang-at batok kanila. - RomeoT.Limpangog (BANAT NEWS)