CEBU, Philippines - Gilusad sa Pilipinas Shell ang ilang bag-ong discount card nga gitawag nga V-Power Card alang sa ilang mga customer niadtong Sabado.
Si Patty ES Dimaano, Senior Account Manager sa Pilipinas Shell mibutyag nga ang maong card nagtanyag sa makahupot niini og kahigayonan nga makadaog og 2010 Audi TT coupe nga awto, ug mga appliances sa ipahigayong raffle draw.
Ang V-power card ihatag lamang niadtong mga customer nga mopalit og balig P500 nga gasoline ug krudo nga ikatumbas sa usa ka sticker, hangtod nga kun makatigom na sila og walo ka sticker makasalmot na sila sa raffle draw.
May tulo ka preliminary raffle draw ug usa ka major raffle draw ang ipahigayon dinhi sa Central Visayas, ug ang maong promotion kutob ra sa buwan sa Marso, matud pa ni Dimaano. - Raymond Abarcas (BANAT NEWS)