Enforcers gipasidan-ang di modapig sa mga towing agencies nga gikuyogan
CEBU, Philippines - Gitangtang ni Cebu City Mayor Tomas Osmeña sa serbisyo ang duha ka traffic enforcers nga gipauban sa One Stop Towing Services human usab ireklamo sa duha ka tag-iya og mga sakyanan nga gipangguyod sa nahisgutang towing services.
Ang mga traffic enforcers nga bag-o lang gipalagpot ni Osmeña sa ilang trabaho mao sila si James Vanguardia ug Roland Debalucos tungod kay nagtoo ang mayor nga gipaburan nila ni Vanguardia ug Debalucos ang One Stop Towing Services pagguyod sa nahisgutang mga sakyanan.
Kini dihang giinsister sa mga tag-iya nga gi-tow gihapon ang ilang behikulo bisan pa man sa ilang presensya ug pagpasabot.
Nakumbinsir si Osmeña sa eksplinasyon sa mga tag-iya sa giguyod nga mga sakyanan hinungdan nga iyang gitangtang ang duha ka traffic enforcers.
Matud sa mayor nga ang iyang gihimo maoy usa usab ka mensahe ngadto sa ubang mga traffic enforcers nga dili maminaw sa iyang pahimangno.
“Because it makes it appear that as if they are working for the towing company that is why I made it public just want to send a message to the others that if they have ideas of trying to behave like that, that will not be tolerated,” sumala ni Osmeña.
Nasayran nga ang nahisgutang towing services makapila na ireklamo tungod sa giingong pagpatuyang na lang og pangguyod sa mga sakyanan diha sa kadalanan.
Usa sa kusganong mireklamo batok sa mga personnel sa One Stop Towing Services mao si kanhi Tinago barangay captain Joel Garganera. (BANATNEWS)
- Latest
- Trending
