CEBU, Philippines - Gipasakaan og kasong act of lasciviousness ang usa ka hubog sa 17 -anyos nga dalagita nga biktima sa pagpanghikap ug pagpanguot sa pribadong bahin sa iyang lawas.
Nahitabo ang pagpanguot ug pagpanghikap sa miaging buntag sa gipuy-an sa biktima sa Perez Compound sa barangay Alang-Alang, dakbayan sa Mandaue.
Ang suspetsado mao si Guillermo Lapis, 49, nga matud pang SPO1 Arthur Maglasang sa kapolisan sa Presinto 1 sa Centro Police Station nga nahinabi sa Banat News hubog niadtong tungura ug kalit lang nga mihamag ngadto sa biktima dayong gakos ug dungan usab ang paghalok niini.
Wala pa matagbaw sa gihimo gikuot sa suspek ang pribadong bahin sa lawas sa dalagita hinungdan nga misiyagit ug nagpatabang sa mga silingan ang naulahi.
Ang suspek gisikop nila ni PO3 Tito Giva ug PO2 Randy Batistis. (Romeo Limpangog) (BANATNEWS)