CEBU, Philippines - Nasakmit sa kapolisan sa lungsod sa Cordova ang 21 ka paketeng shabu gikan sa usa ka suspetsadong pusher niini nga ilang nadakpan didto sa sitio Agad-Agad, barangay Poblacion, lungsod sa Cordova sa miaging gabii.
Ang nadakpan mao si Jessie Sumagang, 26, ulitawo, nga taga-barangay Poblacion, sa nahisgotang lungsod.
Si SPO3 Rafael Tero sa kapolisan sa Cordova mibutyag sa Banat News nga ang ilang hepe nga si Inspector Felix Pacaldo maoy nakasikop sa suspetsado.
Matud pa ni SPO3 Tero nga nasigpatan ni Inspector Pacaldo ang suspetsado didto sa maong dapit nga katahapan ang lihok busa girikisa dayon niini nang lawas sa maong suspek diin nadiskobrehan ang 21 ka putos nga shabu.
Dugang pa ni SPO3 Tero nga ang suspetsado kinsa nagtingkagol na sa ilang bilanggoan gikatakdang pasakaan og kaso nga may labot sa paglapas sa Republic Act 9165 kun Comprehensive Dangerous Drug Act of 2001. (Romeo T. Limpangog) (BANATNEWS)