SRP - "Sobra Ra ang Politika" - Sepulveda

CEBU, Philippines - Ang Kapitolyo mitumbok nga may kaugalingon usab silang meaning sa ‘SRP’ atbang sa ‘Suya Ra ang Probinsiya’ ni Mayor Tomas Osmeña nga gibutang gyud nga imprinta sa t-shirt. Si Capitol Consultant on Information Atty. Rory Jon Sepulveda nga sa sobrang pamolitika sa siyudad sa Sugbu atol sa kapistahan sa Mahal nga Senyor Santo Niño.

Si Sepulveda mibutyag nga “basin og ang SRP mahimo nang Subra Ra ang Politika."

Gitubag ni Sepulveda ang pamahayag sa Information officer sa siyudad sa Sugbu nga si Nagiel Bañacia nga ang siyudad sa Sugbu naghimo og float nga magpakita sa South Road Properties kun SRP projects.

Apan ang ibutang niining kahulogan sa SRP pulong nga “Suya Ra ang Probinsya” ug dili ang South Road Properties.

Matud pa ni Sepulveda nga dili importante ang pagsaway sa siyudad sa Sugbu sa pagsayaw ni Gov. Gwendolyn Garcia tungod kay ang gitagaan og gibug-aton sa gobernadora mao ang iyang paghalad sa iyang buhaton alang sa Senyor Santo Niño agi og pagpasalamat sa paghatag niini og proteksyon sa Sugbu.

Apan gitataw ni Sepulveda nga siguradong kun buhaton gyud sa syudad moani gyud kini og reaksyon sa mga tawong motan-aw sa Sinulog Grand Mardi Gras. – BANAT NEWS