100 ka 'badlungon' nangabot - TRS

CEBU, Philippines - Adunay di mominus usa ka gatos ka mga kawatan ang gikaingong midagsa sa siyudad sa Sugbo kini aron mamiktima sa mga dumuduong nga mosaksi ug mosalmot sa kalingawan sa Pista ni Sr. Sto. Niño.

Matod pa ni Sr. Insp. Michael Bastes, hepe sa Theft and Robbery Section nga aduna sila’y nadawat nga taho nga aduna nay di mominus usa ka gatos ka tawong miabot sa syudad sa Sugbo nga naggikan sa nagkadaiyang lugar nga gituohang mga kawatan gikan sa Surigao, Ozamis, Leyte, ug Ormoc.

Dugang pa ni Bastes nga aduna sila’y pito ka tawong nasikop dili palang dugay nga gikasuhan og vagrancy.

Ang nasikop mao sila Francisco Buenalflor, 42, Edgar Ulila Albeno, 37, ug Dennis Abella, 36 nga pulos naggikan sa Ormoc City samtang nasikop usab sila sa Michael Geronimo, 19, nga molupyo sa barangay Pasil, Gloria Lauza,42 ug ang mga kuyog niini nga sila Allan “Botyok” Gomez ug Chetong Cuisan. - Lesley Caminade (BANAT NEWS)