Bunos sa magtutudlo naa na

CEBU, Philippines - Gipahibawo sa Finance Department sa Department of Education (DepEd) -7 nga anaa na ang pundo alang sa Christmas bunos (CB) sa tanang mga magtutudlo sa tibuok Central Visayas.

Sumala pa ni DepEd-7 finance officer Flor Aclan nga dili na angayan nga mabalaka pa ang mga magtutudlo nga dili nila makobra ang ilang CB niining bulan sa Decembre.

Kini tungod kay giandam na kini sa buhatan ni Education Secretary Jeslie Lapus ang pundo human niya kini madawat niadto pang Miyerkules sa miaging semana gikan sa Department of Budget and Management (DBM).

Matud pa ni Aclan nga ang hinungdan sa pagkalangay sa pagkuha sa maong benipisyo mao ang kahinay sa pag-transfer sa account gikan sa national government ngadto sa DepEd.

Gipasalig niya nga ugmang adlawa madawat na sa mga magtutudlo ang naasoy nga bunos.

Nasayran nga mokabat sa P10 mil ang CB nga dawatonon sa matag magtutudlo sa tibuok nasud.

Ang P7 mil niini gikan sa national government samtang ang P3 mil maoy counterpart ang DepEd.

Dugang pa ni Aclan nga ang lalawigan sa Sugbu nakakuha na sa ilang tseke apan ang lalawigan sa Bohol ug Siquijor mao nalaywala pa makakuha sa ilang tseke.(BANATNEWS)