CEBU, Philippines - Usa ka batan-on ang gidudahang naghikog tungod sa giingong pagmabdos sa uyab niini diha sa Univille barangay Kasambagan kagahapon sa buntag.
Ang naghikog nailhan nga si Dionesio Serone, 18, molupyo sa maong lugar kansang patay’ng lawas nga nagbitay napalgan sa iyang bayaw nga si Jason Amacanin gamit ang usa ka t-shirt nga blue nga gihimong gihikot sa liog ug sa kisame.
Katapusang nakit-ang buhi si Serone kagahapon sa kaadlawon nga naghupot og kutsilyo ug misuway pagdunggab sa iyang kaugalingon apan napakgang.
Ang igsuon ni Serone nga si Maricel mitug-an sa kapolisan nga sa miaging semana iyang nadunggan ang iyang manghod nagpakisayod bahin sa usa sa iyang mga uyab nga namabdos.
Wala hinuon makumpirmar sa kabanay kun si Serone ba gyuy nakapamabdos sa maong babaye. (Lesley Caminade) (BANATNEWS)