Bag-ong laptop gipaila

CEBU, Philippines - Gipaila sa Neo Manufacturing and Services Inc. ang bag-ohay nilang produkto nga laptop nga susama sa usa ka notebook sayon ra kaayong dad-on sa usa ka tawo.

Ang maong laptop notebook giila nga Neo Edge Z3240, usa kini ka nipis ug gaan kaayo nga klase sa laptop notebook nga adunay gitas-on nga 13 polgadas, samtang aduna kini 3 gigabytes memory ug adunay “wider widescreen” nga maangayan gayud sa mamalitay.

Matud pa ni JP Domingo, manager sa Neo Product Development nga ang maong laptop notebook nga ilang gipaila karon sa katilingban usa sa ilang ikapasigarbong produkto dili tungod kay bag-o kining produkto kun dili mao kini ang usa sa mga “updated technology” nga ilang ikahatag sa mga mamalitay.

“This is truly a travelling executive’s machine, ideal for both business and multimedia applications even on long trips because it has longer battery life than standard-voltage notebooks. Neo Edge’s ultra-thin and aesthetically impressive design is a new product sure to amaze the Filipino market,” pasabot pa niini. - Lesley Caminade (BANAT NEWS)