CEBU, Philippines - Usa ka bayot nga OFW ug usa ka lumad nga taga Davao pulos namatay human mag-unay pagkutlo sa ilang kaugalingon pinaagi sa paghikot og pisi sa liog sulod sa ilang tagsa-tagsa ka panimalay sa managlahing lugar sa siyudad.
Ang bayot nga si Ramonito Ybañez, 35, usa ka overseas Filipino worker, napalgan sa iyang inahan nga nagbitay sulod sa iyang lawak. Si SPO3 Jonas Pananganan, imbestigador sa Carcar Police Station nagkanayon nga nakurat ang inahan ni Ramonito nga si Otelia sa dihang nahiuli gikan nangaligo og dagat atol sa iyang ika-69 nga adlaw’ng natawhan sa dihang nakit-an ang iyang anak nga nagbitay nga wala nay kinabuhi.
Ang lumad nga taga Digos, Davao del Sur nga si Russel Cababat, 36, napalgan usab nga nagbitay sa giabangan niyang lawak sa Soco Compound, barangay Alang-Alang, dakbayan sa Mandaue.
Usa ka Gerry Soco nga nagpuyo usab sa maong dapit mituktok sa lawak ni Cababat, apan bisan unsa kini kakusog walay nangabli sa pultahan hinungdan nga gilungkab ang bintana ug didto nakit-an ang ulitawo nga nagbitay.
Ang hinigugma ni Cababat miasoy kang PO1 Cristito Raboy nga nagkabingkil sila sa iyang uyab nga si Cababat ug mibahad kini nga maghikog. (Guam Logroño ug Romeo Limpangog) (BANATNEWS)