CEBU, Philippines - Naangol si Romulo Repollo Tampus, 19, nga taga Sabang, Sibonga dihang nadasmagan ang gisakyan niyang motorsiklo sa Izusu Elf nga gidrayban ni Joel Villarizo, 41, nga taga Lunod, Boljoon didto sa Simala, Sibonga niadtong Martes sa hapon. Anaa karon sa usa ka tambalanan sa dakbayan sa Sugbo ang biktima samtang ang suspetsadong drayber nagpahayahay karon sa prisohan sa kapolisan sa Sibonga. (Darrel A. Carumba) (BANATNEWS)