CEBU, Philippines - Duha ka tawo ang gipanunggab sa mga rugby boys sa managlahing dapit sa dakbayan sa Lapulapu kagahapon.
Ang mga biktima mao sila si Louie Daclan Deparine, 26, minyo ug factory worker sa Philippine Export Processing Zone Authority (PEZA) sa barangay Pusok sa maong dakbayan ug Junnel Lunogo, 23, ulitawo, nga taga Pagadian City ug stay -in nga panadero sa Tinong’s Bakery sa Poblacion sa dakbayan sa Lapulapu.
Ang midunggab kang Deparine mao si Ariel Magdasok 19, nga taga barangay Pajo, dakbayan sa Lapulapu, samtang wala mailhi ang miluba kang Lunogo.
Gihatod dayon sa tambalanan ang mga biktima samtang nadakpan usab si Magdasoc nga kauban karon sa nanagdasok nga mga piniriso sa dakbayan sa Lapulapu. - BANAT NEWS