Taktika ni Jonas gisaway

CEBU, Philippines - Gihulagway ni Kongresista Nerissa Soon-Ruiz nga kinaraang pamaagi sa politika ang gigamit sa kampo ni incumbent Mandaue City Mayor Jonas Cortes nga pagpadagan og kandidato sa pagka mayor sa 2010 election nga pareho sa apilyedo sa kongresista.

Si Soon-Ruiz ug Cortes maoy higpit nga mag-atbang sa mayoralty race sa Mandaue karong 2010 elections.

Si Soon-Ruiz nga nahinabi sa mga tigbalita miingon nga nagtuo siyang gigamit lamang sa kampo ni Mayor Jonas Cortes si barangay Kagawad Eugenio Ruiz sa barangay Centro aron mo-file og Certificate of Candidacy (COC) alang sa pagkamayor sa dakbayan.

Gitataw niyang dili na makaapekto sa pag-ihapay sa botos kun computerized na ang election dili susama kaniadto sa mano-mano nga pag-ihap.

Si Cortes dihang gikahinabi sa mga tigbalita hugtanong mihimakak sa mga katahap sa iyang kaatbang.

“This is a democratic country. Anyone has the right to file his COC if he thinks he can also serve the people,”matud pa ni Cortes.   - Romeo Limpangog (BANAT NEWS)