Kawayan Festival ipahigayon karon

CEBU, Philippines - Ipahigayon karong adlawa ang Cawayan Festival didto sa lungsod sa Alegria.

Sugdan ang maong kalihukan sa ala 1:00 sa hapon ug sa pagka alas 3:00 sa hapon mao na ang street dancing ug showdown sa lima ka mga contingent gikan sa siyam ka mga barangay sa lungsod.

Si Jesus Rey “Titu” Cavalida ,ang Alegria festival coordinator mibutyag sa Banat News nga gipaabot nila nga hugopan kining maong kalihokan sa mga lokal ug langyaw nga turista apil na ang balikbayan nga lumad nga taga Alegria.

Si Mayor Raul Guisadio sa Alegria migahin og P100 mil gikan sa panudlanan sa lungsod ug sa Kapitolyo alang sa ganti sa mga mananaug sa maong festival.  - Darrel A. Carumba (BANAT NEWS)