Mangunguot naaktohan

CEBU, Philippines - Walay swerte ang usa ka manguutay human maaktuhan nga dunay usa ka polis nga sulod sa usa ka fast food chain sa dalan Colon niadtong Domingo sa alas 11:45 sa buntag.

Maayong pagkabun-og ni Ernesto Camiguing, 20, taga barangay Cogon-Ramos human kulataha sa iyaha untang biktima nga si Christinito Requiron, 38, taga Pari-an.

Si SPO4 Wilson Paglinawan desk officer sa Pari-an Police Station nga gikahinabi sa Banat News nagkanayon gidemalas ang suspek sanglit diha usab si SPO3 Adulfo Morales nga sakop sa Pari-an Police Station atol sa hitabo.

Matud pa niini nabantayan sa biktima nga gikuot ang iyang cellphone sa suspek hinungdan nga gilayog niya kini ug gikuninitan hinungdan nga naalarma si SPO3 Morales ug mitabang pagdakop sa suspek.

Apan sa report sa Balitang Bisdak si Camiguing mireklamong gipatiran siya sa police sa Parian Police Station gawas pa sa reklamante. (BANATNEWS)