CEBU, Philippines - Kritikal ang kahimtang sa usa ka 17 anyos nga bayong-bayong human kini pusila sa giingong wala hiilhing tulisan samtang naglakaw pauli sa ilang balay sa Sitio Quarry, barangay Sabang, siyudad sa Danao sa milabay’ng gabii.
Ang biktima mao si Kevin Velasquez Duran, 17 , wala magtungha ug walay trabaho nga taga Quarry.
Si SPO4 Edgar Gomez sa Danao City Police mibutyag sa Banat News nga ang biktima kauban sa iyang mga barkada gikan nga nanuroy og samtang naglakaw pauli sa ilang balay giluthang kini sa wala hiilhing kriminal una kuhaa ang iyang cellphone .
Nasabak sa walang bahin sa lawas ang biktima ug dali kining gihatod ngadto sa Danao City District Hospital.
Alang sa kapolisan tulis ang motibo sa maong hitabo nga maoy gitutokan nila karon pagtumbok sa kriminal. - Darrel A. Carumba (BANAT NEWS)