Barko na-abiriya

CEBU, Philippines - Barko nga gipanag-iya sa Gothong Lines, Inc. natanggong makadiyot sa kadagatan sa Ozamis city human makasinati og engine trouble kagahapon sa buntag.

Sa pakighinabi sa Banat News kang Atty. Francisco Mijares Jr., abogado sa Gothong, kini nagkanayon nga na-abiriya ang Butuan Bay 1 alas 8 sa buntag tungod kay ang krudo ug tubig sa barko nagkasagol na. Ang barko may biyahe nga Ozamis-Iligan-Iligan-Ozamis-Ozamis-Cebu ug paingon kini sa Iligan atol sa pagka-abiriya.

Si Mijares miingon nga ang 53 ka pasahero luwas nga nakaabot sa dakbayan sa Iligan alas 6 sa kagabii.

Matud usab ni Petty Officer 1 Medardo de Guzman, Coast Guard Station sa Iligan nga ila pang susihon ang barko kun unsa gyud ang hinungdan sa pagka-abiriya sa barko. – BANAT NEWS