Gipusil sa iyang gisumbag angol

CEBU, Philippines - Samdan sa buko-buko ang usa ka negosyanteng Insek dihang gipusil kini sa iyang gisumbag didto sa dalan El Felibusterismo, eskina Magallanes sa barangay Ermita ning dakbayan sa Sugbo sa miaging gabii.

Ang biktima nailhan nga si Ruel Hingonia Lee, hingkod, negosyante, nga taga Sun Valley subdivision sa dalan V Rama Ave. ,barangay Calamba, ning dakbayan.

Nasayran nga ang biktima nanumbag kang Eleuterio Rivera kinsa mibadlong sa biktima ug sa mga kaubang Insek niini nga nagkaguliyang ug saba kaayo samtang nanag-inom. Gihatod dayon ngadto sa Cebu City Medical Center ang biktima nga samdan sa buko-buko.   

Hinuon si PO2 Lou Pagara sa Homicide Section sa Cebu City Police Office nagkanayon nga ilang imbistigahon si Rivera ug posible usab nga ila kining ipa-ubos sa paraffin test aron masayran kun siya ba gyuy mipusil sa biktima.   (Lesley Caminade)