Notadong pusher dakpan
CEBU, Philippines - Nadakpan sa kapulisan ang notadong drug pusher sa barangay 6 lungsod sa Tuburan ug nakuhaan og mga pinakiteng shabu atol sa usa ka buy bust operation niadtong Sabado sa alas 10:00 sa buntag.
Ang suspek mao si Jeffrey Gallarde, molupyo sa nahisgutang lugar ug gitumbok nga notadong tigpayuhot og ginadiling drugas sa maong lugar ug makadaghan na madakpi apan kanunay'ng makagawas human makabutang og piyansa.
Matud pa ni SPO2 Carlo Canseco, imbestigador sa Tuburan Police dihang nahinabi sa Banat News nasakmit gikan sa posisyon sa suspek ang 16 ka gagmay'ng pakete ug duha ka medium size nga pulos may sulod nga gidudahang shabu ingon man ang P500 nga nagsilbing marked money sa kapolisan sa maong operasyon.
Si PO1 Charles Gomez sakop sa Provincial Illegal Drugs Task Force maoy nagsilbing poseur buyer gitunolan sa suspek og shabu human bayri sa marked money.
Diha-diha giposasan sa Provincial Anti Illegal Drugs Task Force pinangulohan ni Supt. Larcion Dechino.
- Latest
- Trending
