Garbo Festival sugdan na

CEBU, Philippines - Sugdan karong adlawa ang ika 9th Garbo sa Lapulapu Festival 2009 Grand Mardi grass nunot sa kapistahan sa Birhen sa Regla sa dakbayan sa Lapulapu ug sa pagsaulog sa Youth Day sa maong dakbayan.

Ang kalihukan sa Garbo sa Lapulapu Festival gitambayayongan sa mga sakop sa Sangguniang Kabataan (SK) ug sa mga sakop sa Association of Barangay Councils (ABC) sa dakbayan sa Lapulapu.

 Matud pa ni SK Federation President   Reymar Deco nga ang matag barangay nga misalmot sa maong grand mardi grass nagtinabangay sa pagmugna sa ilang mga float entry ug street dances alang sa maong kalihukan karong adlawa.

Samtang si Kapitan Leo Mercado sa Pajo mipadayag nga sobra sa P600 mil ang gihatag sa Lapulapu City Fiesta Executive Committee ngadto sa ABC alang sa tanang gastohanan sa kalihukan ning tuiga.

 Gumikan niini ang premyo sa duha ka kategoriya sa Garbo sa Lapulapu nga Float ug Pasahalad (Street Dancing) category adunay lima ka mananaug matag kategoriya kung itandi sa milabay’ng tuig nga tulo lamang ang makadaug sa matag kategoriya.

 Ang Festival sugdan karong alas 12 sa udto nga manukad didto sa Lapulapu City Central School paingon ngadto sa GMC Arcade atubangan sa Lapulapu PUJ terminal. (Bong Soriano)   (BANATNEWS)