TF for Life, tukoron aron mosuporta'g kandidato

CEBU, Philippines - Ilusad karung Lunes diha sa Sacred Heart Center sa Human Life International (HLI-Philippines) nga gipangulohan ni Dr. Rene Joseph Bullecer ang Task Force for Life Cebu Chapter nga ang tumong mao ang pagsuporta sa mga magbabalaod nga mga pro-life ug kadtong mga kandidato sa 2010 nga susama og baruganan.

Matud ni Bullecer ang Task Force for Life gilangkoban kini sa layko gikan sa nagkalain-laing religious organization sa Sugbu.

“Around 200 people here in Cebu already pledge and will join the Task Force for Life, and will attend the said launching which was first formally launched nationwide last August. Task Force for Life is designed to screen and openly campaign for the upcoming elections,” matud pang Bullecer.

Giawhag usab ni Bullecer ang katawhan sa pagpili og kandidato sa pagka presidenteng dunay kahadlok sa Diyos, makiangayon sa mga kabus ug mahigugmaon sa kinabuhi.

Si Bullecer nagkanayon nga dunay duha ka presidential aspirants nga miduol na kaniya ug gipangayo ang ilang suporta, kini mao sila si kanhi defense secretary Gilbert Teodoro Jr. ug kanhi Senate president Manny Villar. Wala hinuon pasaligi sa ilang grupo ang duha sanglit wala pa magtigom ang Catholic Bishops Conference of the Philippines (CBCP) nga himuon karun pang Enero diin gituohang hisgutan kun si kinsang kandidato ilang suportahan. (BANATNEWS)