2 ka shabu pusher sikop

CEBU, Philippines - Duha ka gikatahapang tigpayuhot og illegal nga drugas nadakpan sa kapolisan sa managlahing dapit ug takna sa dakbayan sa Mandaue niadtong miaging adlaw.

Ang nadakpan mao sila si Junrey Espinosa, 21, ulitawo nga taga sitio Ihawan sa barangay Mantuyong ug Edwin Barientos, 29 , ulitawo nga taga sitio Ilog sa barangay Opao sa maong dakbayan.

Nadakpan nila ni PO2 Ryan Sarabia sa Investigation Detection and Management Bureau (IDMB) si Espinosa ug ilang nasakmit gikan niini ang lima ka linikit nga pinaugang dahon sa marijuana

Gipasakaan og kaso nga paglapas sa Section 11, Article II sa Republic Act 9165 kon Comprehensive Dangerous Drug Act of 2002.

Samtang si Barientos nasakmitan usab og mga ebidensiya nga paghupot sa illegal nga drugas.

Si SPO1 Reynald Urot sa Presinto 5 sa Opao Police Station miingon nga nag-atubang si Barientos og kaso bahin sa paglapas sa RA 9165 ug gidakop kini pinasikad sa warrant of arrest nga giluwatan ni Judge Ulric Canete sa Branch 55 sa Regional Trial Court (RTC) 7 nga nagbase sa maong dakbayan.  - Romeo T. Limpangog (BANAT NEWS)