Halloween party panguwarta lang - Binghay

CEBU, Philippines - Ang Episcopal Vicar sa Archdiocese sa Sugbu Msgr. Esteban Binghay misaway sa pagpauso sa mga Halloween parties dili lamang dinhi sa Sugbu kundili lukop nasud.

Kini tungod kay gipangwartahan sa mga negosyante ang mga tawo aron lamang makapalit sa butang nga dili kinahanglanon atol sa kasaulugan sa kalagkalag.

Matud pa ni Binghay nga ang adlaw sa kalagkalag gigahin gyud unta sa paghalad ug pag-ampo alang sa kapahulayan sa mga nangamatay nga mahal sa kinabuhi ug dili sa bisan unsang kalihukan.

Hinuon gitataw ni Binghay nga dili malikayan nga himuon gyud og economic enterprise sa mga negosyate ang mga dagkong kalihukan apil na sa simbahan.

Apan iyang gitataw nga dili lamang unta sa pagpalit sa mga maskara sa mga ngil-ad nga panagway ug sa mga patay aron lamang makatambong sa usa ka salosalo o party.

Kini tungod kay wala kini langitnong bili sa kasaulogan sa kalagkalag ug usa lamang kini ka matang sa pag-usik-usik sa kwarta sa katawhan taliwa sa krisis sa nasud. – BANAT NEWS