ROTC firing ug speech contest malampuson
CEBU, Philippines - Nagmalampuson ang ika-6 nga Provincial Philippine Army Reserve Officer Training Corps Pistol and Rifle Shooting Competition nga gihimo sa Kamagong Firing Range sa Camp Lapulapu ug ang ika-10 nga Provincial Phil. Army ROTC Speech Contest sa University of San Jose-Recoletos, Basak Campus niadtong Sabado, Oktubre 18, 2009.
Si Lt.Col. Nestor Porlucas, commanding officer sa 701st Community Defense Center (CDC) sa 7th Regional Community Defense Group sa Army Reserve Command, nagkanayon nga 18 ka mga kadete sa ROTC gikan sa University of San Jose Recoletos, Talisay City College (TCC) ug Cebu State College of Science and Technology ang miapil sa kompetisyon.
Sumala pa ni Porlucas nga gituyo kini aron ma-improve ang marksmanship capability sa mga kadete ug kahigayonan nga magkahugoyhugoy ang mga kadete.
Si Cdt. Maj. Jirald Abay 1CL sa TCC ROTC Unit maoy kampeyon sa cal. 5.56 M16 Rifle, 1st runner-up si Cdt. Maj. Mark Anthony Labiaga 1CL sa TCC ug 2nd runner-up si Cdt. Cpt. Princes Jean Tan sa USJ-R ROTC Unit.
Sa cal .22 rifle, si Cdt. Sherilyn Delima 1CL sa TCC ROTC Unit ang kampeyon, 1st runner-up si Cdt. Cpt. Cherrlyn Lapiña 2CL sa CSCST-MC ROTC Unit ug 2nd runner-up si Cdt. Cpt. Jonalyn Ardiente 2CL sa USJ-R ROTC Unit.
Alang sa cal.45 pistol, kampeyon si Cdt. LTC Jan Bryllel Bañares 1CL sa USJ-R ROTC Unit, 1st runner-up si Cdt. Maj. Delbert Bahag 1CL sa TCC ROTC Unit ug 2nd runner-up Cdt. Cpt. Kristel Joy Reas 2CL sa USJ-R ROTC Unit.
Si TSgt. Ronilo Cabizares, first sergeant sa 701CDC maoy nangulo sa oath of sportsmanship samtang si MSgt. Rolando Roy de los Santos sa 1st Cebu Ready Reserve Battalion maoy range officer sa kompetisyon, samtang siya usab ang mipasabot sa mga lagda sa firing range.
Sa pagka-hapon, ang napiling kampeyon sa ika-10 nga speech contest sa Phil. Army ROTC sa lalawigan mao si Cdt. Irish Cañada 3CL sa USJ-R ROTC Unit, 1st runner-up si Cdt. Elinore Jean Malagar 3CL sa samang tunghaan, ug 2nd runner-up si Cdt. Wilfreda Cabusas sa TCC ROTC Unit.
Ang maong kompetisyon gisaksihan mismo sa group commander sa 7RCDG nga si Col. Norman Gomez. Mga hurado sa maong kompetisyon mao silang Gloria Cortez-Miala-Balatero, chairman, ug mga miyembro nga silang John Rey Saavedra, managing editor sa Banat News ug Tanya Amanda Flores sa University of San Carlos. - Guam Logroño (BANAT NEWS)
- Latest
- Trending
