Balili lot ipadeklarar nga Economic Zone

CEBU, Philippines - Giawhag ni Governor Gwendolyn Garcia ang mga opisyales sa dakbayan sa Naga nga suportahan ang lakang sa probinsiya sa pagdeklarar sa Balili Property nga napalit sa kagamhanan sa lalawigan sa Sugbu nga usa ka Economic Zone Area.

 Matud pa ni Naga Mayor Valdemar Chiong nga gihangyo siya sa gobernadora alang sa katumanan sa maong lakang hinungdan nga iya kining gikonsulta sa konseho sa siyudad.

 Si Chiong miingon nga sa dili pa sila mopakanaog sa desisyon, nikonsulta una sila sa mga opisyales sa Philippine Economic Zone Authority kon PEZA pagsiguro nga makabenipisyo ang lugar sa maong lakang.

 Sumala pa ni Chiong nga ang administrator office sa PEZA misugyot kanila sa pagklaro sa kagamhanan sa probinsiya sa Sugbu kun makakolekta pa kini og lokal nga buluhisan sa mga industriya nga pagatukoron sa Tinaan Naga nga buot ipadeklarar sa gobernadora nga economic zone.

 Tungod niini, si Chiong buot nga mangunsulta sa mga opisyal sa Naga alang niini aron matubag ang ilang mga kabalaka sa dili pa sila mohatag sa ilang suporta sa lakang sa probinsiya. (Chester Abadilla)  (BANATNEWS)