Kaping 100 marijuana gilarot

CEBU, Philippines - Kapin usa ka 100 ka mga hamtong nga punoan sa   marijuana ug 20 ka mga lubangon niini ang nadawat sa otoridad sa Philippine Drug Enforcement Agency (PDEA)-7 gikan sa taga 78th Infantry Battalion nga maoy nanglarot niini didto sa barangay Basak, lungsod sa Badian sa miaging adlaw.

Matud pa ni Jessie Tabanao, tigpamaba sa PDEA-7 nga sayo niini mitawag kanila ang mga opisyal sa 78th IB nga nangayo og pagtugot kanila nga laruton nila ang mga tanom sa marijuana nga ilang nakita didto sa maong lugar.

Ang hepe sa 78th IB nga si 1st Lt. Roy Dalumpines maoy nanguna sa grupo nga nangibot sa maong mga illegal nga tanom.

Nasayran nga ang maong mga punoan sa marijuana didto larota sa mga sundawo sa usa ka suok ug kalibonang bahin sa barangay Basak.

 Ang kooperasyon sa taga barangay kinsa maoy mipahibawo sa mga sundawo kalabot sa maong tanom giisip nga dako kaayong abag sa mga otoridad. (Lesley Caminade)   (BANATNEWS)