CEBU, Philippines - Hangtod karon wala pay klarong suportahan ang kampo ni Mayor Arturo Radaza sa dakbayan sa Lapulapu sa mga buot magpapiling presidente sa nasud sa 2010 nga election.
Matud pa ni Lapulapu Kapitan Leo Mercado sa barangay Pajo nga sige pa sila og tinimbangay kinsay ilang pilion sa mga miduol na sa mayor nga kandidato sa pagka-presidente.
Gani matud pa ni Mercado nga bisan si Senador Benigno Aquino III ug Senador Mar Roxas wala pa madesidihe kun sila bay pillion.
Kini tungod kay naglibog pa sila ilabi na nga pulos maayong laki ang mga mokandidato sa pagka-presidente sa nasud, matud pa ni Mercado. (BANATNEWS)