Santander gibantayan

CEBU, Philippines - Gitutokan karon sa Regional Development Coordinating Council (RDCC)-7 ang lungsod sa Santander niining pag-abot na usab sa bagyong Pepeng dinhi sa nasud.

 Matud pa ni Niel Sanchez ang tigpamaba sa RDCC-7 nga sa higayon nga moigo ang hanging habagat dinhi sa Sugbu, ang lungsod sa Santander posibling maoy labing unang santakuhon niini. Matud pa ni Sanchez nga dili siya mokumpiyansa sa lungsod sa Santander hinungdan nga nakig-coordinate na sila sa lokal nga mga opisyal ug sa ilang local disaster unit.

 Gipahibawo usab ni Sanchez nga lakip sa ilang gitutokan karon mao ang Bayawan city ug Santa Catalina sa Negros Occidental, sa lungsod sa Luboc ug sa Jagna sa lalawigan sa Bohol. Chester Abadilla)