Kapitolyo mopadala'g P5 milyones nga hinabang sa Luzon

CEBU, Philippines - Nangandam na ang mga opisyales sa Kapitolyo og dili momenus P5 milyones nga hinabang alang sa mga nabiktima sa bagyong Ondoy sa Luzon.

Si Provincial Treasurer Atty. Roy Salubre sa interview sa DyRF nagkanayon nga mao kini ang gilaraw nga idonar ni Gov. Gwendolyn Garcia ngadto sa taga Luzon sama sa gihatag sa gobernadora sa mga nabiktima sa landslide didto sa lalawigan sa Leyte niadtong nakalabay nga mga tuig.

Matud pa ni Salubre magpaabot pa sila sa mapasar nga resulosyon sa Hunta Probinsiyal una pa ma-release ang pundo nga anha kuhaon sa calamity fund sa probinsiya alang niining tuiga. (Chester Abadilla)   (BANATNEWS)