CEBU, Philippines - Patay nang naabtan sa kapolisan ang usa ka ginang human giunay og dunggab sa iyang kaugalingong pag-umangkon nga gituohang nagumon sa gidiling drugas sa sitio Tagines barangay Lanao lungsod sa Moalboal niadtong Martes sa alas 3:00 sa hapon.
Ang biktima mao si Nona Larez, molupyo sa nahisgutang lugar samtang ang suspek mao ra usab ang iyang pag-umangkon nga si Eric Saac, 31, nagpuyo gihapon sa maong dapit.
Matud pa ni PO1 Camelo Zafra sa Moalboal Police Station sa dihang nahinabi sa Banat News, ang biktima ug igsuon niining babaye nga inahan sa suspek nagkalalis sa wala pa ang hitabo gawas sa ilang pinuy-anan.
Apan sa tanto nilang panaglalis kalit lang miabot sa likod sa biktima ang suspek ug walay daghang estorya gidunggab niini ang iyaan sa walang bahin sa tiyan.
Ang biktima nagbuy-od sa ubos ug namatay una pa makaabot ang mirespondeng mga polis samtang ang suspek daling misibat human sa hitabo.
Apan paglabay sa pipila ka oras nadakpan ra ang suspek sa gipahigayong hot pursuit operation ug nabalhog ug gipasakaan na og tukmang kaso.
Gidudahan sab nga nagumon sa bisyo sa gidiling drugas ang biktima nga maoy posibleng hinungdan sa pagpatay niini sa iyang kaugalingong iyaan. (BANATNEWS)