CEBU, Philippines - Kritikal ang kahimtang sa usa ka drayber sa habal -habal kinsa gipinute sa iyang silingan didto sa Sitio Minggay, barangay Bulasa lungsod sa Argao niadtong Sabado sa alas 9 sa buntag.
Ang biktima mao si Federico Agusto Pinute, 52 , minyo, nga taga Minggay, samtang ang suspek mao si Micheal Relativo, hingkod, minyo nga silingan sa biktima.
Si SPO1 Ramuel Banogon mibutyag sa Banat News nga ang biktima nagmaniho sa iyang motorsiklo samtang namasahero ug pag-abot niini sa nahisgutang lugar kalit lang kining giduol sa suspek ug sa walay daghang estorya gihabas ang buko-buko sa biktima sa hait kaayong pinute sa suspek.
Dihang mi-aksiyon og atubang ang suspek gihapsan na usab ang tuong bahin sa nawong niini, dayong sibat.
Gihatod dayon ngadto sa Isidro Kintanar Memorial Hospital ang biktima apan gumikan sa kakuwang og kahimanan sa maong tambalanan, gibalhin kini sa dakbayan sa Sugbo.
Sa pagkakaron padayon pang gipangita sa kapolisan ang suspek aron sayron ang hinungdan sa pagpanigbas niini ngadto sa biktima. – BANAT NEWS