Tighimo'g lapida naghikog

CEBU, Philippines - Namatay ang usa ka tighimo og lapida pinaagi sa paghikog nga gigamitan og pisi nga gihikot sa iyang liog didto sa sitio Humay-Humay, barangay Pajo, dakbayan sa Lapulapu sa miaging gabii.

Ang namatay mao si Michael Quismod, 20, ulitawo, ug tighimo og lapida nga taga Humay-Humay.

Si PO3 Candido Baringue sa homicide section sa kapolisan sa maong dakbayan miingon nga napalgan ang biktima sa iyang mga igsoon nga nagbitay sa sulod sa payag kilid sa sam-ang sa Humay-Humay.

Sa imbestigasyon nga gihimo, nasuta nga sa wala pa kini maghikog giingong nakighinabi pa kini sa iyang igsoon nga tua sa gawas sa nasud pinaagi sa telepono.

Unya human sa ilang panagsulti, giingong milakaw kini ug mao nalay napalgan sa iyang mga igsoon nianang pagkabuntag nga patay na kining nagbitay sulod sa payag kansang tumoy sa pisi gigaid sa sagbayan sa payag. - Romeo T. Limpangog ug Bong Soriano (BANAT NEWS)